1500 convivium
en todo o mundo
Home » , » Comedores Escolares Responsables

Comedores Escolares Responsables

Unha crecente inquietude pola saúde e a sustentabilidade, disparou a preocupación pola nosa alimentación. Buscamos produtos que proveñan da agricultura ecolóxica, variedades locais, sistemas de produción en extensivo  e sostibles co medio ambiente, e moito máis se estamos a pensar na alimentación dos máis cativos. 

É por iso que cada vez máis pais e responsables da alimentación infantil están a cambiar de hábitos deixando de favorecer a compra máis barata en prol da máis natural. Pero ademais non podemos esquencer como nunha sociedade tan rural como foi tradicionalmente a nosa, estamos a ver como as novas xeracións viven desligadas da cultura agraria. Este feito acaba por xerar unha relación distorsionada cos alimentos que non forman parte da súa realidade. 

Á hora de facilitar esta labor, desde Slow Food Compostela queremos desenvolver un proxecto nos comedores escolares co fin de facilitar o cambio da xestión dos mesmos así como crear unha cultura agroalimentaria nos rapaces desde pequenos. 


Unha vez que cumpran uns requisitos, outorgamos a distinción de Comedor Km 0 para darlle visibilidade e que sirva de exemplo para moitos máis que queiran unirse a este proxecto de "Comedores Escolares Responsables" de Slow Food. 





SHARE

About Leo

0 comentarios :

Publicar un comentario