1500 convivium
en todo o mundo
Home » » BERSO, Tradicionalmente Moderno

BERSO, Tradicionalmente Moderno

Neste 2020 tan peculiar, Martín Mantilla iniciou un novo proxecto: o restaurante BERSO Tradicionalmente Moderno, situado en Sober. Na actualidade, cando son moitos os que apostan por negocios gastronómicos máis próximos ao concepto bistró, comida de autor ou comida informal, BERSO xoga cos seus culleróns e perolas a unha gastronomía tradicional, cun ambiente tradicionalmente moderno e á súa vez tradicionalmente caseiro.



En BERSO, prima o produto de tempada, de Km 0, de proximidade e da súa propia horta situada na finca do restaurante, finca que está certificada polo Craega (Consello Regulador da Agricultura Ecolóxica de Galicia) e da cal se abastece de produto de primeira calidade para as súas elaboracións. BERSO busca facer unha pequena homenaxe ás nosas avoas, lembrar a súa cociña e manter a tradición, dándolle o seu toque persoal e máis actual. Esta é a proposta do restaurante BERSO, en Sober.


O seu chef, Martín Mantilla Rodríguez (Monforte de Lemos, 1978), conta con máis de 20 anos de experiencia dedicados á cociña e a impartir formación nese ámbito. Formouse no Ciclo Medio de Cociña e Gastronomía da Escola Fundación  Belarmino Fernández Iglesias e como Técnico Superior en Xestión e Dirección de Cociña no ISFP Vesta, na Rexión de Murcia. Desenvolveu a súa carreira como chef en restaurantes de Galicia e das Illas Canarias. Actualmente, segue formándose e reciclándose no apaixonante mundo da gastronomía para estar sempre á vangarda dos últimos coñecementos. Á súa vez, está a realizar un máster de formación Pedagóxica e Didáctica para profesores técnicos de FP na Universidade Politécnica de Cartaxena e segue impartindo cursos de formación para a Asociación Provincial de Empresarios de Hostalería de Lugo entre outras entidades. Colabora co Craega (Consello Regulador da Agricultura Ecolóxica de Galicia) realizando demostracións, degustacións e  showcooking de cociña en distintas feiras, como por exemplo, Biocultura e tamén forma parte da recentemente creada Asociación de Cociñeiros de Lugo.


Contacto:

BERSO, Tradicionalmente Moderno

Calle Progreso, 12, Sober, 27460 Lugo

Teléfono: 982 25 78 16

👉 ARTÍCULO EN CASTELLANO 👈


SHARE

About Leo

0 comments :

Publicar un comentario