Leira da Rega

Trátase dunha explotación agrícola familiar afincada en Rus, no concello de Carballo. Adícase á producción de pataca, concretamente da variedade Kennebec. Esta variedade é a que se cultiva maioritariamente na comarca de Bergantiños, e é a que lle deu á pataca de Bergantiños o recoñecemento co que actualmente conta dentro da nosa comunidade. 

Toda a producción de Leira da Rega é recollida e seleccionada a man, a fin de golpear o menos posible os tubérculos, e permitindo así que chegue á nosa mesa unha pataca coa máis alta calidade. 

A conservación da colleita faise tamén de xeito totalmente natural, sen empregar cámaras de frío nin tratamentos antixerminativos.