1500 convivium
en todo o mundo

Trasdeza Natur

Dende 2016 en Trasdeza Natur o chan, a auga e o sol, encárganse de producir gran variedade de hortalizas e froitas ecolóxicas con todas as súas propiedades nutritivas e todo o seu valor  organoléptico. 

María José e Rosendo, só axudan a que iso se leve a cabo da forma máis efectiva e sostible posible. Para iso crean  bancales e neles fan rotación e asociación de cultivos. Construíron  unha lagoa depuradora de plantas para depurar as augas residuais e reutilizalas para a rega. Ademais empregan plantas para abonar e curar a outras plantas.

Co seu innovador e pioneiro deshidratador solar, desenvolvido en colaboración coa USC, deshidratan produtos da horta para ofrecer alimentos que conservan todos os seus beneficios.


Tanto a produción como a transformación realízana baixo o selo do Consello Regulador da Agricultura Ecolóxica de Galicia: Craega.


Recoñecementos:

No ano 2018, Trasdeza Natur obtivo o  premio AGADER para Iniciativas  ao Desenvolvemento Rural  na modalidade de Innovación tecnolóxica no rural. 

No ano 2020 obtención do 2º Premio no VI Concurso de Proxectos Empresariais Semente Ribeira Sacra e o 3º Premio de Excelencia á Innovación para Mulleres Rurais do Ministerio de Agricultura, Pesca e Alimentación e finalista no 2º Programa TalentA organizado por Fademur e Corteva.

O proxecto foi seleccionado pola Rede Rural Nacional para representar a España nos Premios Europeos de Inspiración Rural 2021 (Rural  Inspiration  Awards 2021).

En Trasdeza Natur gústalles compartir experiencia e por iso ofrecen visitas personalizadas. Están certificados co selo SICTED de Calidade en Destino na modalidade de Turismo Industrial.


Contacto:
Trasdeza Natur
Enderezo: Lugar de Cardigonde, 38 - 36545 Cortegada (Silleda)
E-mail: info@trasdezanatur.com
Teléf.: 672021470 / 648168786
Instagram, Twiter, Facebook: @trasdezanatur

Puntos de venda ao consumidor final: 
Mamasunción (Silleda)
Riquiña (Praza de Abastos de Lalín)
Na súa Web


SHARE

About Leo

0 comments :

Publicar un comentario