1500 convivium
en todo o mundo

Traloagro

Traloagro xorde alá polo 1936 da tradición familiar por partes dos seus pais como emprendedores e empresarios ao longo da súas vidas, e por parte dos seus avós que lles transmitiron o coidado do medio e o mimo ós animais. Todo isto xunto coa innovación das novas xeracións que medraron en Bélxica coa influencia doutras culturas. 

Isabel de Traloagro

Téndoo claro dende os inicios, aló polo 2010, apostaron polo rural como modo e medio de vida, cunha produción ecolóxica e sostible, xa que non conciben outro xeito de facelo. E para rematar o ciclo, e non desaproveitar ese esforzo na produción, no 2019 inician a comercialización da súa carne a través de dous puntos de venda: a “Carnicería ecolóxica Traloagro”, ubicada na praza de abastos de Lugo, e unha “Ecotenda con carnicería Traloagro” situada no polígono empresarial de Friol, no que ofrecen variedade de produtos ecolóxicos de terceiros, ademais da súa carne ecolóxica certificada.

Instalacións en Friol

En Traloagro dispoñen de instalacións propias, contando cun Biocentro cárnico dedicado ao despezamento e elaboración de produtos de variedade de carnes de modo artesanal e ofrecen carne ecolóxica 100% certificada. Dispoñen de liña de despezamento para bovino, porcino, ovino, caprino e avícola. Estas instalacións están certificadas para o despezamento ecolóxico e IXP Ternera Gallega.

Desde o ano 2012, son produtores de gando ecolóxico certificado polo Craega (Consello Regulador Agricultura Ecolóxica de Galicia) e desde o 2020 están certificados no despezamento, elaboración e comercialización de carnes ecolóxicas. Contan con gandería ecolóxica bovina e polo campero ecolóxico. Ademais, a súa carne de bovino, está amparada pola Indicación Xeográfica Protexida (IXP) Ternera Gallega e certificada polo selo ecolóxico. Tamén, os seus polos camperos están certificados con selo ecolóxico do mesmo xeito que o resto das reses (porco, cordeiro e cabrito).

En definitiva, Traloagro ofréceche carne de calidade, de proximidade e ecolóxica certificada coa garantía da tradición e coa innovación de produtos.


Contacto:

Web: traloagro.es 

Teléfono: (+34) 982 04 20 03

Enderezo: Polígono Industrial de Friol

E-mail: info@traloagro.es


SHARE

About Leo

0 comments :

Publicar un comentario