Os Biosbardos * Cultura de Leira

Os Biosbardos • Cultura de Leira nace como un proxecto de agricultura ecolóxica baseado nos principios da Permacultura:

• Agricultura permanente e sostible, que fomenta o deseño consciente de entornos que reproducen os patróns da natureza.

• Coidado da terra e as persoas.

• Seguir o modelo da agricultura sintrópica, que é a creación de ecosistemas agroforestais inspirados nos bosques para producir alimentos e conservar a natureza (bosques comestibles).

Movidos polo disfrute dos alimentos e o respecto na súa obtención, buscan ser 100% orgánicos e sostibles na súa aproximación ao produto de horta.

Comezaron a súa andaina coa transformación dun conxunto de 'Leiras' no Lugar de Lendoiro (Cambre), na fermosa Terra das Mariñas, nun proceso dinámico e aberto que vai tomando forma.

Os Biosbardos • Cultura de Leira tamén é un espazo colaborativo onde compartir coñecemento con calquera que queira unirse ao proxecto e participar dun xeito ou doutro.

FILOSOFÍA

Relación en local. Producen na Comarca das Mariñas e para a súa área de influencia.

Procución artesanal. Son produtores ao xeito tradicional e cun baixo nivel de mecanización.

Canle directa. Canle de curta de comercialización entre eles e os destinatarios dos seus produtos, entre eles e ti.

Gozas biodiversidade. As producións avalíanse dende a conciencia e o interese por conservar a biodiversidade.

Gañas transparencia. En todo momento se é consciente da orixe do produto e das condicións nas que se cultivou: a trazabilidade é unha máxima.

Consumes xusto. Os prezos estímanse para que reflictan un trato xusto tanto para o comprador como para o produtor.

Promoves a soberanía alimentaria. Os seus produtos proceden dunha agricultura ecolóxica considerada como un modo de vida e non como un nicho económico.

Probas o tradicional. Apostan polas variedades autóctonas e propias, seleccionadas, e polo coñecemento agroecolóxico tradicional que preserva as cualidades organolépticas.

 Contacto: