1500 convivium
en todo o mundo
Home » , » Labrecos S. Coop. Galega

Labrecos S. Coop. Galega

QUENES SON? Iván, Aitor e Raquel, tres familiares (2 irmáns e a parella dun deles) que xestionan con moita ilusión unha granxa de produción ecolóxica, no concello de Cesuras, na parroquia de Dordaño. Comezaron esta andadura coa incorporación de Iván no 2015, Aitor no 2018 e Raquel no 2021. Pouco a pouco conseguiron dar forma ao seu soño... aínda que quedan cousiñas por mellorar pero que pasiño a pasiño van conseguindo. Teñen certificadas polo Craega (Consello Regulador da Agricultura Ecolóxica de Galicia) máis de 17 ha ao aire libre e 3.800 m2 de invernadoiros (rexistros GA/02420/PV) baixo os CEA: 15.026.00876 e G1590200009.

QUE PRODUCEN?

Horta, froita (máis de 400 maceiras e pereiras autóctonas prantadas no ano pasado), carne (cordeiro, vacún, porco, galo, coello), ovos e cereais como trigo do país e maínzo para alimentar os seus animais e para a venda. 



Non nos podemos esquecer das súas conservas vexetais que se elaboran cos excedentes da súa horta... Hai moitos grelos? Grelos ao natural embotados listos para o consumo... pisto, cebola de Betanzos caramelizada, cenoria ao natural raiada, lista para consumir nunha ensalada... son algúns dos elaborados que ofertan aos seus clientes.


Como novidade dicir que teñen certificadas as prantas silvestres (aromáticas e mediciñais) que nacen nas súas leiras (estrugas (ortigas), milfollas (milenrrama), loureiro, chantaxe (llantén), sabugueiro (saúco), dente de león, fariñento (quinoa silvestre), eucalipto... coas que poderás facer infusións, remedios naturais, cociñar ou comer en ensalada. A súa máxima é a utilización e/ou recuperación de sementes e variedades autóctonas polo seu mellor sabor e calidade, e pola súa mellor adaptabilidade ó noso clima.


OUTROS SERVIZOS

Son conscientes da dificultade de atopar produtos ecolóxicos como aceite, mel, panela (azúcar de caña sen refinar), produtos básicos de limpeza... e viron a posibilidade de facilitar esta tarefa @s seus/súas client@s que cumpren a premisa de ser consumidores finais.

Foi entón cando consideraron a posibilidade de ofrecerlles, como servizo complementario aos produtos de produción propia, outros produtos básicos da compra como poden ser mel (Casa Dourado), aceite virxe extra (O Cumio da Paz), lácteos de Casagrande de Xanceda (sen frío), queixo curado de Arqueixal, panela, e lavalouzas, deterxente, suavizante (la revolución de los graneles)... Algúns téñenos sempre na dispoñibilidade e outros baixo encarga (encargan esta semana e teñen o pedido para a semana seguinte. Certamente foi unha iniciativa que tivo moi boa acollida xa que están facilitando un consumo responsable e ecolóxico.

Todos estos produtos están dispostos para facer chegar á casa d@s client@s xunto cos produtos de produción propia de Labrecos, sen gastos adicionais.


A CABEZA NON PARA!!!

... e por qué non facer unhas “tarxetas-regalo”???? Nadal, aniversario, cumpreanos, Día do Pai, Día da Nai...???? Regala saúde, regala cercanía, regala respecto polo medio... E así foi... crearon unha serie de tarxetas agasaio, coas que podes sorprender a quen queiras nunha data especial... que mellor xeito? Un lote de produtos ecolóxicos por importes de 30 ou 50 Euros a elexir... O agasaiado elixe cando facer uso dela... (para máis info contacta con eles).



QUE BUSCAN? 

BIODIVERSIDADE!!! A biodiversidade é a variedade de formas de vida do planeta (incluíndo os ecosistemas terrestres, mariños e os complexos ecolóxicos dos que forman parte) e tamén é o que nos permite comer, beber, vestir, previr e curar enfermidades, admirar paisaxes e desenvolver a nosa propia vida e a da nosa sociedade. En definitiva, a nosa vida e a nosa calidade de vida dependendo mantemento de hábitats e ecosistemas saudables e vivos.

RESPECTAR O MEDIO AMBIENTE. Diminuíndo a pegada de carbono, freando o cambio climático vivindo no rural e promovendo o seu coidado. Ensinan á súa contorna que poden producir dun xeito respetable, sen pesticidas, sen abonos químicos...

RESPECTO AOS ANIMAIS. Viven en liberdade, comen produtos naturais, ecolóxicos, excedentes das súas hortas, libres de OMGs; teñen pastos verdes aos que van todos os días a pacer libremente.

ALIMENTACIÓN SAUDABLE. Facer que os nosos alimentos cheguen a Comedores Escolares, á túa mesa ou aos restaurantes da bisbarra fan posible a nosa aposta por unha alimentación saudable.

Acadar a SOBERANÍA ALIMENTARIA? A soberanía alimentaria é, segundo establece Vía Campesina, "o dereito dos pobos a un alimento nutritivo e culturalmente adecuado, accesible, producido de xeito sostible e ecolóxico e o seu dereito a decidir o seu propio sistema alimentario e produtivo".


AS SÚAS MARCAS



  • E dende agora tamén teñen o selo de SLOW FOOD!!!


CICLO VITAL

Prantan, abonan, recollen os alimentos, botan os excedentes aos animais da granxa, que á súa vez xeran abono orgánico que volta de novo para a terra para volver a xerar novas producións... e volta a comezar!!


LABRECOS E O PROXECTO ECOCOMEDORES

Levan dende o ano 2015, xunto co GDR “As Mariñas Coruñesas e Terras do Mandeo” e a EIM A Caracola, da man da súa directora Beatriz Ferreira, promovendo unha alimentación saudable nos comedores escolares, facendo posible que os nenos dos coles que participan no proxecto teñan a posibilidade de alimentarse de produtos ecolóxicos e de cercanía.

 
Contacto:
LABRECOS S. COOP. XUVENIL
Horta e Granxa ecolóxicas
Localización: Lg. O Castro 5, Dordaño, Cesuras, 15931, A Coruña
Teléfono: 641 44 69 56
E-mail: labrecos@gmail.com


SHARE

About Leo

0 comments :

Publicar un comentario