En Mare Monte Premium Fungus, poderás atopar unha ampla variedade de setas frescas cultivadas por eles mesmos en Galicia e produtos elaborados coas mesmas da mellor calidade. Sandra Viñas é a emprendedora que creou esta iniciativa.
A base dos seus produtos gourmet son: o cogomelo Shiitake, o cogomelo Ostra, o champiñón Portobello e o champiñón París. Estes cogomelos, recentemente colleitados, serven para facer conservas e outros elaborados como os seus incribles patés.
Un produto gourmet, pide un packaging gourmet, e a súa filosofía obrígalles a minimizar o uso de plásticos. Utilizan un precioso estoxo de madeira confeccionado a man pola asociación Asdeme. Ademais de colaborar con eles e coidar o medio ambiente, as túas conservas viaxarán máis protexidas, e chegarán nun precioso estoxo de madeira ideal para regalar.
.png)
En Mare Monte Premium Fungus, apaixónanlles os cogomelos e son de mente inquieta e padal esixente, polo que non paran de innovar e introducir novas receitas. Xogando cos cogomelos, o seu ingrediente estrela, e incorporando ingredientes tan galegos como o mexillón da Ría, prometen non deixar de sorprendervos. Ademais de deliciosos, os seus produtos son saudables, aptos para veganos e están libres de glute, conservantes, colorantes e aditivos. Quen dá máis?
.jpeg)
0 comments :
Publicar un comentario