1500 convivium
en todo o mundo
Home » » Gandería Quintián

Gandería Quintián

Quintián, é unha gandería familiar que nace do amor pola terra nos anos 60. No ano 2010 apostaron por poñer en valor o seu produto e a súa contorna dende ese balcón á natureza. A súa gandería e queixería están ubicadas en O Páramo, na provincia de Lugo, na ladeira dunha montaña, moi preto do Camiño de Santiago, con vistas a todo ao val por onde transcorre o Río Miño. Esta orografía permitiu que fixeran realidade o soño da súa queixería, construída baixo terra, respectando a contorna e sen impacto paisaxístico. 

O benestar das súas vacas, é unha das súas prioridades, por iso lles brindan os mellores coidados e mimos para que sexan felices, así como unha alimentación de calidade, baseada fundamentalmente en forraxe cultivado na súa contorna.

Foron pioneiros na venda directa de leite pasteurizado sen ningún tipo de conservante e actualmente diferéncianse polos seus queixos artesáns, moldeados e volteados un a un, o que fai que sexan únicos. A súa cava conserva un muro de pedra por onde emana a auga de forma natural, conseguindo un grao de humidade óptimo, que confire aos seus queixos un carácter moi especial.

Eles son Julio e Chelo, os cales tomaron da man o que con moito amor, comenzaron os pais de Julio, coa firme idea de poñer en valor o territorio, un produto e unha forma de vida, onde o coidado dos animais é a base do seu proxecto.


OS SEUS PRODUTOS...

NÉBOA

Néboa é unha palabra moi representativa do clima da nosa terra. É un queixo de pasta blanda de leite cru de vaca, con codia natural enmohecida. Caracterízase polos seus matices a bosque, champiñón e notas a nata.


AGARIMO

Agarimo, o mesmo co que as nosas avoas traballaban e moldeaban o queixo en tempos difíciles. Con el rendimos homenaxe a todas elas. É un queixo de pasta blanda de leite pasteurizado, de codia lavada. Textura elástica, granulosa e fundente. A súa codia natural con sabor afroitado e regusto moi elegante.


QUEIXO FRESCO

 O queixo de sempre. Textura blanda e cremosa, co sabor e a calidade de antes.


LEITE

Leite producido de forma natural sen máis tratamento que a pasteurización. Conserva todo o seu valor nutricional e sabor de sempre coas garantías sanitarias actuais.



¿Queres mercar os seus produtos? 

Se queres saber o punto de venda máis cercano ou recibir os seus produtos a domicilio, chámaos ao 648 19 59 89. Tamén podes enviarlles un mail a info@ganderiaquintian.com.


Contacto:

Quintián - Friolfe - O Páramo / Lugo

Teléfono:  648 19 59 89

E-mail: info@ganderiaquintian.com

Web: ganderiaquintian.com


SHARE

About Leo

0 comments :

Publicar un comentario