Emprender dentro do mundo rural pode ser un desafío para o perfil de “novo agricultor” ou novo entrante, como se define por parte da UE na PAC, unha persoa que decide emprender no eido da produción primaria, sen experiencia previa e sen relación familiar coa explotación asociada.
.png)
Este tipo de iniciativas contan co respaldo da FAO, que entre os factores de risco que enumera ao falar sobre os perigos da soberanía alimentaria, está a falta de relevo xeracional o cal é un dos problemas que se repite ao longo de todo o mundo. De aí a importancia de fomentar o emprendemento entre os máis xoves para garantir a produción de alimentos.
De feito, seguindo coas liñas de actuación europeas, dende a estratexia “Da granxa á mesa”, plantéxanse actuación similares, nas que a pretensión é a de ser autosuficientes en canto a abastecemento intracomunitario, poñendo especial énfase nas canles curtas de comercialización.
Deste contexto social e lexislativo, xorde a necesidade de actuacións coma as desta guía elaborada para o Concello de Ponteareas (Pontevedra), cun deseño pensado para ser, máis que unha ferramenta de aprendizaxe ao uso, un manual de consulta. É unha guía que nos permite facer unha idea xeral do que debemos abordar antes de iniciarnos no eido agroecolóxico e como minimizar os impactos para que o noso emprendemento sexa todo o máis sostible posible, ambiental, social e económicamente, xa que unha parte que se trata durante a mesma, é a profesionalización do sector e o rendemento que debe xerar.
Ao longo de tódolos módulos, poderemos atopar enlaces aos rexistros precisos que deberemos solicitar, así como á normativa referida ou plataformas oficiais, onde poderemos afondar máis no tema que esteamos a tratar.
0 comments :
Publicar un comentario