Iria e Laura decidiron emprender na Serra da Paradanta, apostando con firmeza polo rural galego. Na súa receita empresarial combinan unha aposta decidida polo sector primario, conciencia pola necesidade de valorar os produtos da terra, compromiso coa sustentabilidade, proximidade e calidade, sen esquecer a innovación e a rendibilidade. O resultado? ComeCois e ShiitaQuercus.
ComeCois nace nunha ladeira da serra, onde crían, producen e comercializan caracois da especie Helix Aspersa Müller. Do outro lado da serra xorde ShiitaQuercus, un cultivo respectuoso cos ritmos naturais, baseado en técnicas tradicionais e manuais, onde as setas shiitake medran en troncos de carballo aproveitando as condicións óptimas que ofrecen os montes da zona para garantir un produto auténtico, de proximidade e alta calidade.
PRODUTOS:
 |
| Caracol da variedade Helix Aspersa Müller, vivo, limpo e purgado. Listo para o seu consumo. |
 |
| Caracois cocidos ao natural da variedade Helix Aspersa Müller, limpos e purgados. |
 |
| Caracois guisados en salsa tradicional da variedade Helix Aspersa Müller. |
☏ 636 20 31 36 | ✉ info@comecois.com
0 comments :
Publicar un comentario