1500 convivium
en todo o mundo
Home » » Xearte Brigitte

Xearte Brigitte

Xeadería xearte Brigitte nace do soño dunha emprendedora. O que un día empezou como unha pequena parcela de traballo, a día de hoxe converteuse na súa paixón polo xeado e por descubrir todo un mundo de sensacións de sabores.

Son xeados artesanais elaborados na súa propia tenda e coidando todos os detalles, desde unha selección máxima de cada uns das materias primas ata o proceso de elaboración. 

Pero... como xurdeu xearte Brigitte? "Pois naceu da idea de querer emprender algo que en Compostela non había, e que eu xa coñecía posto que traballaba para unha empresa na elaboración de xeados. Digamos que me enganchou moitísimo a idea da xeadería, porque é un mundo moi creativo donde non hai límites. Moitos compañeiros e moitos hostaleiros me pedían cousas novas, si eu lle podía facer. E un pouco xurdiu dahí, de poder dar resposta a unha demanda a algo que nese momento non existía. Comecei en xuño de 2014, si ao principio con moito medo, porque era algo novedoso en Santiago, non había nada, pero si con moita ilusión e moitas gañas de sacalo adiante".

Por que optaches por provedores de proximidade? Por provedores galegos? "Sempre o tiven moi moi claro. Aprendín a valorar moito o produto que facemos aquí. Si unha das cousas que me atopei mentres vivín fóra de Galicia é que sabemos que aquí facemos un produto moi bo pero non sabemos nin aprecialo nin vendelo. Entón foi algo que me quedou como unha ensinanza moi clara de dicir, o noso produto é moito mellor que moitos produtos que hai por ahí pero o problema é que non sabemos defendelo. Entón sempre tiven moi claro que quería defender o produto da miña terra por enriba de todo. A parte de que sempre me gustou moito o produto bo e que se o podo conseguir aquí o mesmo produto coa mesma calidade, prefiro pagalo un pouco máis aquí que traelo de fóra. E esta sempre é unha premisa que teño á hora de mercar a materia prima".


Quen hai detrás de xearte Brigitte? "Está Brígida que é a que pensa, é a que ten as ideas, é a que crea os sabores, é a que se inspira cando vai dando un paseo por un camiño no monte, é a que se inspira cando baixa á Praza de Abastos mercar, é de donde saen tódalas ideas. Ou tamén, moitas veces, falando con algúns dos produtores, xurdiron ideas ou colaboracións. Non só sae de min facer un produto novo, senón que tamén é o produtor o que me dá ideas para facer cos seus produtos. Por exemplo: teño este queixo e gustaríame facer un xeado con el para acompañar este postre. O tema dos viños que agora está tan de moda, pois xurdiron varias colaboracións, ben para unha comida nunha adega, ben para un menú degustación, ben porque queren ter un produto diferente co seu viño... Imos colaborando con distinta xente"

Contacto:

Enderezo: Rúa de San Pedro 70

E-mail: info@xeartebrigitte.com · 

Teléfono: 981 973 169

Web: xeartebrigitte.com 



SHARE

About Leo

0 comments :

Publicar un comentario