1500 convivium
en todo o mundo
Home » , » Divulgación e formación

Divulgación e formación

Queremos poñer en valor o papel que dende a asociación fixemos durante este anos no eido da divulgación e da formación. 

Estas son algunhas das intervencións más destacables nas que participamos ou organizamos: 

Organización de dous cursos para a comunidade universitaria:

1. “Slow Food, da soberanía alimentaria á certificación ecolóxica” no 2017.

2. "A sustentabilidade do sector agroalimentario" no 2019. 

Ambos incluídos na oferta da Universidade de Verán da USC como formación regrada. 

A participación no curso “Unha aproximación ambiental aos obxectivos de desenvolvemento sostible no marco da economía circular”, organizada polo CRETUS no 2021. 

Igualmente, dentro da oferta oficial da Universidade de Verán da USC.


FORMACIÓN PARA PÚBLICO PROFESIONAL:

  • Poñencia "Economía Circular. Sinerxías e oportunidades no agro galego" RSE XUNTA 2019.
  • Curso "Conservación in situ de cultivos autóctonos". En colaboración con MBG. Xullo 2019.
  • A certificación do pan no eido Europeo e Autonómico. EFA A Cancela. 2022.


INTERVENCIÓNS EN FOROS E CONGRESOS:

  • CultRural Santiago de Compostela. Poñencia. 2017.
  • Galicia Fórum Gastronómico. Poñencia. 2019.
  • Importancia do rol da muller no eido da Agricultura Familiar. Asociación "Mujeres en igualdad". Poñencia. Xuño 2019.
  • Galicia Fórum Gastronómico. Organización dun showcooking de produtores asociados a Slow Food e moderación das mesas redondas do “Fórum Lab” sobre a sustentabilidade no sector alimentario. 2022.
  • Climathon Galicia 2018. Poñencia. 
  • #EuSave en Vimianzo. Poñencia. Abril 2019. “The Impact of European Policies on Agri-Food Cultural Heritage”
  • Climathon Galicia 2019. Poñencia. 
  • CONAMA. Participación na mesa redonda sobre iniciativas cidadás organizada polo “Pacto Europeo polo clima”. 2022.


Dende a FAO declarouse o ano 2014 como o ano da agricultura familiar. Dende ese momento tomouse en conta a tremenda importancia que tiña a súa conservación, polo que no 2018 organizouse o Lanzamento Global do Decenio de Nacións Unidas da Agricultura Familiar 2018-2028.

Para este evento formouse un grupo de traballo constituído por 400 representantes de comunidades de  todo o mundo, pertencentes a ámbitos rurais, cargos políticos, administrativos e outros actores do medio coma cooperativas sindicatos ou comunidades indíxenas. 

Slow Food Compostela foi un dos 200 actores consultivos non gobernamentais que participaron no lanzamento na sede da FAO en Roma e que formaron parte dese grupo de traballo co que poñer sobre a mesa as dificultades as que se enfrontan os agricultores familiares galegos. 


Seguindo co traballo vinculado á ONU, Slow Food Compostela foi o representante da organización Slow Food Internacional na 25 Cumbre polo Clima celebrada en Madrid a finais do 2019.

Neste caso, o papel que xogamos foi o de observador ante os acordos tomados entre os países membro sobre o acordo de París e outros documentos vinculantes sobre as emisións de gases de efecto invernadoiro, coma os desenvolvidos polos distintos grupos de traballo en paralelo que se desenvolveron dentro da cumbre.

A implicacion de SFC no apoio á agricultura familiar continúa como membro activo da CEDAF, Comité de España del Decenio de las Naciones Unidas de la Agricultura Familiar, no que exercemos de actores consultivos dentro das tarefas do comité, coma os outros actores membros, federacións nacionais, universidades, grupos de investigacións, cooperativas e ONGs. 


No ámbito autonómico, tamén estamos ligados a proxectos de desenvolvemento rural. Participamos como “stakeholder” no proxecto Erasmus+ https://foodimproviders.eu/ pensado para favorecer a creación de canles curtas de comercialización. 


SHARE

About Leo

0 comments :

Publicar un comentario