Esta horta ecolóxica situada en Cardigonde, na parroquia silledense de Cortegada, é, ademais, unha aposta clara pola transformación e a vangarda tecnolóxica, xa que tamén ofrece froitas e hortalizas deshidratadas procesadas nunha máquina pioneira en Galicia e que funciona con enerxía solar. Esta iniciativa xordeu da súa busca dun proceso de transformación do produto que lle permitira desestacionalizalo para vendelo durante todo o ano. Unha moi boa alternativa para ofrecer os seus produtos fora de tempada conservando as súas propiedades organolépticas e nutritivas.
 |
| Fonte: el español |
María José Tallón é a impulsora de Trasdeza Natur e actualmente o seu marido, Rosendo Estévez, tamén lle bota unha man polas tardes na horta.
- Como acabaches facendo isto?
“Pois quedei sin traballo no ano 2014 e decidín usar os recursos familiares: a casa materna e unhas hortas anexas á mesma”.
- Por que apostar pola sustentabilidade e a economía circular?
“É a nosa filosofía tanto como persoas como no modelo de negocio. É impensable hoxe en día comezar un negocio que non teña estes conceptos implícitos, é dicir, temos que enfocarnos no futuro cara a unha mellora do medio ambiente e o seu coidado posto que vemos os problemas que entrañan os modelos de negocio que se están desenvolvendo ata o de agora. Vemos o que o uso intensivo de fitosanitarios está a provocar polo que a nosa responsabilidade cando comezamos unha actividade económica é seguir un modelo diferente. Un pouco intentando correxir ese problema que está ahí ”.
- Recibiches un dos premios finalistas do programa TalentA 2021 nos que se premiaron a proxectos innovadores de emprendemento rural. Que che aportou a ti este premio? Aportouche algo?
“Pois si, curiosamente si. A nivel laboral, a organización preocúpase moitísimo en darlle difusión ás empresas que foron finalistas e premiadas, é dicir, están todo o día intentando darnos máis visibilidade, promocionar máis, apóiannos técnicamente no desenvolvemento do noso proxecto co cal tamén é unha aportación formativa.
A nivel persoal de autoestima, de motivación. Ti estás esforzándote por facelo ben e están recoñecendo ese esforzó que ti estás facendo. Entonces é tamén unha motivación para nós moi importante”.
- E agora tamén estades seleccionados entre os 8 proxectos pola Red Rural Nacional para os premios de “Inspiración Rural” 2021 que convoca a Rede Europea de Desarrollo Rural. É correcto?
“A finais de marzo saiu a resolución. Tiñan máis de 120 candidaturas procedentes dos 22 estados membro. Había 5 categorías e seleccionaban 2 proxectos en cada unha delas”.
- Queredes subir máis peldaños no tema do deshidratado? Queredes abarcar máis mercado? Como é a vosa ambición neste senso?
“Non somos ambiciosos porque pensamos que temos que ir paso a paso i escalón a escalón. O mercado vainos marcando un pouco os pasos que temos que ir dando e o que queremos é afianzarnos neste segmento e ir medrando. Queremos manter a filosofía Km 0, queremos seguir sendo locais.
Que nalgún momento ese escalón que vemos tan alto chega? Pois non descartamos nunca nada. Pero a filosofía non é esa. Cando chegaremos alá? Cando haxa unha loxística sostible e racional. Si un produto cando saia daquí vai a percorrer antes 5-6 naves, non o vexo, e pensó que nin ela nin eu o queremos. Non se sabe o que nos deparará o futuro. A día de hoxe queremos garantir unha trazabilidade total, ir educando á xente e a formación. Porque a xente se volva a re-educar na alimentación, nos produtos e que aprendan que comer”.
- Que produtos frescos tedes na vosa horta? Que vendedes?
“Temos pouca cantidade pero moita variedade: tomates, pementos, cebola, allo, coles (col rizada, col lombarda, coliflor), brécol, repolo, xudías, faba, guisante, cenoria, puerro, fresas, acelgas.
De variedades autóctonas: tomate negro de Santiago, Avoa de Osedo, tomate Apementado, tomate José Luís, pemento Morrón de Baixo Miño, cebola de Betanzos…"
- Quen é o voso principal comprador? A quen lle vendedes?
“Vendemos no mercado local, dúas tendas (unha en Lalín e outra en Silleda), aquí na horta, a particulares e tamén na nosa web, a través da cal vendemos á Comarca do Deza soamente”
- Notáchedes un incremento de vendas despois do premio?
“Si, si que o notamos. Agora chámanos xente de toda España preguntando polos nosos produtos. Grazas a este premio parece que imos posicionando a nosa imaxe de marca”.
- Credes que a administración ten que crear máis infraestrutura no rural?
“Intenet por favor. Hai xente que di que si o rural xa o convertimos tamén na cidade. Hai que saber integrar o progreso e a tecnoloxía para que o rural se desenvolva tamén pero sostiblemente. Non volver a replicar no rural o modelo urbano, pero si volver a vivir do rural e no rural pero con progreso, adaptándonos aos novos tempos e incorporando a tecnoloxía para mellorar os procesos. Queda moitísimo que facer no rural e moitísimas oportunidades pero hai que poñelo en valor de maneira axeitada”.
0 comments :
Publicar un comentario