Asociación Raíña nace no ano 2015 en Mesía. A xestación foi moitos anos antes, nun lugar chamado Raíña. De aí o seu nome, que recolle a súa esencia e os mantén cos pés no chan.
Ao principio, o obxectivo era social, xerar oportunidades laborais para persoas do rural. Co paso do tempo descubriron que o seu «soño» era moito máis amplo. Un reto máis apaixonante e esixente: que cada persoa aporte o mellor de si mesma.
E niso seguen: intentando cada día coidar ás persoas, a ti, a min, a eles! Pero tamén ao planeta. A nosa casa común, a Terra, coma se fose súa, sen ser de ninguén.
Realizan agricultura ecolóxica, fomentando a alimentación saudable, especialmente na infancia e na xuventude. Os seus produtos destínanse fundamentalmente a comedores escolares.
Comparten a súa filosofía e divulgan os seus valores a través de campamentos, campos de traballo, excursións e cada unha das persoas que entra pola porta.
OS SEUS VALORES...
Gratitude, agradecendo cada día as oportunidades que temos para mellorar.
Contaxiando ledicia, porque un mundo que sorríe é un mundo mellor.
Comprometidos coas persoas e coa contorna na que vivimos.
Poñéndonos no lugar da outra persoa, sen xulgar para non ser xulgados.
PROXECTOS
A actividade principal da Raíña é a produción de agricultura ecolóxica, pero non por iso é a máis importante. Cren que o rural pode ser fonte de oportunidades, un espazo de cooperación e xeración de proxectos únicos e apaixonantes.
Actividades formativas, divulgativas, lúdicas, educativas, obradoiros, …
PROXECTO ECOelas Rural II. Por segundo ano consecutivo levan a cabo diversas actividades e servizos para promover a inclusión das mulleres rurais, mellorar os seus coñecementos e competencias, facilitar a conciliación e dinamizar o rural en feminino.
A Asociación Raíña Paraíso é algo máis que unha horta.. Os seus primeiros pasos estiveron encamiñados á produción de verduras e hortalizas de tempada para comedores colectivos e tendas ecolóxicas. Sempre respectando a terra e os seus ritmos.
Continúan coa elaboración de conservas vexetais a partir dos excedentes da propia horta pero agora tamén teñen un novo reto: a elaboración de doces vexetais de xeito artesanal, destinados a colectivos con alerxias e intolerancias.
Porque o seu soño é coidar as persoas e o medio ambiente a través dun consumo responsable e saudable.
Porque coidándote, coidasme!
Contacto:
0 comments :
Publicar un comentario